Масното ткиво претставува автологно ткиво (ткиво од самиот пациент) и на тој начин ова ткиво има одредени биолошки својства кои се карактеристични за самиот пациент.

Кандидати за оваа операција се пациенти кои, покрај реални и објективни индикации, не би сакале да го зголемат задникот со импланти, па затоа вистинскиот избор, кога станува збор за аугментација, е нивното сопствено масно ткиво. Како и секоја друга естетска интервенција, таа започнува со земање анамнеза, испитување и исцртување на пациентот пред огледало во стоечка положба.
Самата операција за зголемување на задникот се изведува под општа анестезија или аналгоседација.

Најпрво се врши липосукција на критичните делови од телото од кои, со помош на канили со различен дијаметар, се земаат (евакуираат) маснотии. Потоа земеното масно ткиво хируршки се обработува и се подготвува за аплицирање во задникот, т.е. да се направи популарниот трансфер на маснотии (липотрансфер).